夏日炎炎，最好分享夏天恐怖故事
我既夏天惡夢－小強。
如果您問我全宇宙最怕什麼
我一定會答小強。
麥仔有時喺街都忽然嗌句：嘩曱甴呀
我都嚇到賴尿大嗌跳起打冷震
然後今日想起我同小強都有好多經歷
我相信每個恐懼都係來自從前既恐怖經歷sss
等我精選幾個同大家分享
細個屋企環境不是太好
很混亂又不是很乾淨，所以成日都有小強
有次我裝勞作個袋跌左落櫈底，
一日之後我一野抽番上來，
果刻袋入面既小強跌左落我大脾，而我著短褲。
受驚既小強喺我大脾爬左幾下先跌落地，逃去無跡
另一次係裝修時候，住左媽媽朋友屋企
佢個廁所有個拉得開既櫃，裡面係水喉，所以唔會打開
然後當年小朋友既我成日痾屎都見到櫃罅有兩條頭髮隨風飄
好奇既我咪諗住抆走條頭髮掉左佢囉
點知抆唔到，好似攝到好實，然後我就放棄
經過幾次抆頭髮失敗，有天有點好奇打開個櫃
嗯。您地都估到啦～所謂既頭髮就係小強觸鬚
可憐既小強啊～好彩唔係一抆就抆左隻強仔出來，諗起都賴屎
仲有一次係坐喺房玩電腦
玩玩下我哥喺我後面細細聲話：喂您慢慢行出來
然後我一擰轉就見到有隻強仔喺我腳附近
我當然大嗌又跳起，跳落床到以為安全
點知佢居然爬左上我張床，果刻我真的崩潰了
然後佢就走左去D罅到，我力竭聲嘶喊哂叫我媽一定要捉到佢
係生係死都要知道！然後我媽堅稱佢捉到
我唔敢睇落去，所以可能佢呃左我幾廿年。
（因為有次我番學前見到隻小強，我叫佢捉
佢放學話佢已經捉到，我問喺邊？佢講錯左個地方
於是果刻我就知道～佢根本無捉到，只係安撫我）
爬上床真係人世間最崩潰既災難，我成個星期都不安地訓覺
仲有好多次係朝早或凌晨，自己一個既時候見到
我媽曾經話過：點解次次淨係得您見到
佢好似唔信我，我就好像一個見到鬼既女仔無人相信
然後我媽又安慰我：拿！您驚佢佢咪淨係畀您見到囉我地唔驚咪無事
嗯。真係一個好恐怖既鬼故事
touch wood搬左屋兩年都暫時未在家中遇上曱甴
其實每次凌晨痾夜尿或者朝早起身
開燈最驚既唔係見到鬼，係我又自己一個遇上曱甴。
您呢？
有沒有恐怖曱甴故事同我分享呀
Search